Артыкчылыктуу аттуу акциялар · EVDE листинги, «Ликвиддүү» категориясы
«Азия Сталь» ААКнын артыкчылыктуу акцияларын жайгаштыруу 2026-жылдын 29-октябрында аяктады. Жооптор эмиссиянын проспектисине жана ачык сунуштун шарттарына негизделген.
Бир акция үчүн 4 000 сом баада чыгарууну жайгаштыруу 2026-жылдын 29-октябрында аяктады. Сиз мурун сатып алган акциялар сизде калат. Жайгаштыруу баасы боюнча жаңы арыздар кабыл алынбайт.
Чыгаруунун шарттары боюнча берилген арыздар, эгер арыздагы акциялардын саны калдыктан ашпаса, толугу менен канааттандырылат. Эгер ашса — арыз калдыктын көлөмүндө аткарылат. Кабыл алуу аяктаганга чейин берилген арыздар жайгаштыруунун жыйынтыктары тууралуу отчет тапшырылганга чейин эсептешүү тартибинде аткарылат. Белгилүү бир арыз боюнча суроолор — +996 505 273 072, [email protected].
Эмитент жайгаштыруу аяктагандан кийин 30 календардык күндүн ичинде чыгаруунун жыйынтыктары тууралуу отчетту Финансы рыногун жөнгө салуу жана көзөмөлдөө кызматына тапшырат. Отчет катталгандан кийин 5 жумуш күнүнүн ичинде жыйынтыктар «Эркин-Тоо» же «Слово Кыргызстана» гезитинде, fa.kg жана envoys.vision сайттарында жарыяланат, ал эми биржа билдирме алат. Анонс — ошондой эле EVDE Telegram-каналында: t.me/envoysvisiondigitalexchange1.
Сиздин акцияларыңыз EVDE депозитарийинде сакталат. Акционерлердин реестрин «Реестродержатель» ЖЧК жүргүзөт. Акцияларыңыз тууралуу көчүрмөнү брокер — «Финансовый Альянс» ЖЧК — аркылуу же EVDE депозитарийинен алууга болот.
Ооба. Акциялар EVDE листингине («Ликвиддүү» категориясы) киргизилген. Экинчилик соода чыгаруунун жыйынтыктары тууралуу отчет Финансы рыногун жөнгө салуу жана көзөмөлдөө кызматында катталгандан кийин ачылат; бүтүмдөр биржада брокер аркылуу жүргүзүлөт. Экинчилик соданын башталышы тууралуу EVDE Telegram-каналында билдиребиз — t.me/envoysvisiondigitalexchange1. Баа сатып алуучу менен сатуучунун ортосундагы бүтүм менен аныкталат жана номиналдан айырмаланышы, анын ичинде төмөн болушу мүмкүн. Сатып алуучуну тез табуу кепилденбейт.
Дивиденддин өлчөмү жана төлөө тартиби чыгаруунун шарттары менен белгиленген — проспекттин 5.2-бөлүмүн жана ачык сунуштун шарттарынын 6-пунктун караңыз. Чыгаруунун документтери envoys.vision сайтындагы «Маалыматты ачуу» бөлүмүндө жана fa.kg/shares.html баракчасында. Төлөө мөөнөттөрүн акционерлердин жалпы жыйыны аныктайт.
Дивиденддерди эмитент төлөйт — Namba One тиркемесиндеги эсебиңизге же эсептешүү эсебине.
Проспект (7.3-бөлүм, КРнын Салык кодексине шилтеме менен) көрсөтөт: резиденттер — жеке жана юридикалык жактар — ата мекендик уюмдардан алган дивиденддер салыкка тартылбайт. Баанын өсүшүнөн түшкөн киреше, эгер киреше алынган күнү баалуу кагаздар эң жогорку же ага кийинки категориянын листингинде турса, салыкка тартылбайт. Акциялар EVDE листингинин биринчи — эң жогорку — категориясына киргизилген. EVDE салык агенти эмес: салык милдеттенмелери, эгер пайда болсо, кардар тарабынан өз алдынча декларацияланат.
Артыкчылыктуу акциянын ээси акционерлердин жалпы жыйынында коомду кайра уюштуруу жана жоюу маселелери боюнча жана артыкчылыктуу акциялардын ээлеринин укуктарын чектеген уставга өзгөртүүлөр боюнча добуш берет. Эгер жалпы жыйын дивиденддерди төлөө тууралуу чечим кабыл албаса же толук эмес төлөө тууралуу чечим кабыл алса, артыкчылыктуу акциялардын ээлери кийинки жыйындан тартып жана топтолгон дивиденддер төлөнгөнгө чейин бардык маселелер боюнча добуш беришет.
Жок. Акциялар банк депозити эмес, алар депозиттерди коргоо системасына кирбейт. Акциялардын наркы төмөндөшү мүмкүн. Чыгарууну мамлекеттик органдын каттоосу наркка жана каражаттардын кайтарылышына кепилдик болуп саналбайт — бул каттоо жөнүндөгү чечимде жазылган.
Акциялар банк депозити эмес жана депозиттерди коргоо системасына кирбейт. Акциялардын наркы төмөндөшү мүмкүн. Чыгарууну каттоо наркка жана каражаттардын кайтарылышына кепилдик болуп саналбайт.
