Баалуу кагаздар рыногунун кесипкөй катышуучусу — «Финансылык Альянс» ЖЧКсы — «Азия Сталь» ААКсынын артыкчылыктуу акцияларын сатып алуучулардын арасында «Инвестиция сал жана утуп ал» стимулдаштыруучу лотереясын өткөрөт. Лотерея эки этап менен өтөт: 2026-жылдын 25-августунан 25-сентябрына чейин жана 26-сентябрдан 26-октябрына чейин.
Байге фонду — 629 630 сом: iPhone 17 Pro Max, iPhone Air жана Sony PlayStation 5. Эки этаптын жыйынтыгы боюнча алты жеңүүчү аныкталат — алар Random.org программасынын жардамы менен кокустук ыкмасында тандалат, розыгрыш уюштуруучунун Instagram барагында жана Telegram каналында түз эфирде өтөт.
Катышуу тартиби: • Namba One платформасында катталуу жана верификациядан өтүү. • «Азия Сталь» ААКсынын артыкчылыктуу акцияларын сатып алуу — биринчи этапта ар бири 4 000 сомдон кеминде төрт акция, кирүү босогосу 16 000 сом. • Лотерея коддору автоматтык түрдө кошулуп, жеке кабинетте көрүнөт: бир акция — бир код.
Экинчи этапта жаңы катышуучулар үчүн босого мурункудай — 16 000 сом (төрт акция); биринчи этапка катышкандарга минималдуу топтом — 8 000 сомго эки акция жетиштүү. Биринчи этаптын коддору экинчи розыгрышта эсепке алынбайт.
Лотереянын катышуучусу лотерея билетин сатып албайт — ал өз менчигинде кала турган баалуу кагаздарды сатып алат. Катышуу үчүн өзүнчө акы алынбайт. «Азия Сталь» артыкчылыктуу акцияларына болгон укуктар Envoys Vision Digital Exchange депозитарийинде эсепке алынат. Бул баалуу кагаздар боюнча экинчилик соода чыгарылым толук жайгаштырылгандан кийин ачылат.
«Акциянын негизги максаты — адамдарды кыргызстандык компаниялардын баалуу кагаздарына инвестиция салууга тартуу жана фондулук рынок ар бир адамга жеткиликтүү экенин көрсөтүү. Катышуучунун акчасы „билетке“ кетпейт, өз менчигинде кала турган активге айланат. Албетте, инвестиция дайыма тобокелдик менен байланышкан жана акциялардын баасы төмөндөшү мүмкүн, ошондуктан биз лотереяны, биринчи кезекте, биринчи кадам таштап, фондулук рынок кантип иштээрин түшүнүү мүмкүнчүлүгү катары ойлоштурдук», — деп белгилейт Envoys Vision Digital Exchange биржасынын долбоор менеджери Даурхан Ойшиев.
Лотереянын уюштуруучусу — «Финансылык Альянс» ЖЧКсы, стимулдаштыруучу лотереяны өткөрүүгө уруксат СЛ сериясы № 0270, 2026-жылдын 24-июну (каттоо номери 574), КР Экономика жана коммерция министрлигине караштуу Финансы рыногун жөнгө салуу жана көзөмөлдөө кызматы тарабынан берилген. Баалуу кагаздар рыногундагы брокердик иш БД сериясы № 0022 лицензиясынын негизинде жүргүзүлөт. Розыгрышка 18 жаштан жогорку жеке жактар — Кыргыз Республикасынын жарандары жана КРде жашоо укугуна ээ адамдар катыша алат. Лотереянын шарттары уюштуруучунун fa.kg сайтында жарыяланган.
Apple Inc. жана Sony Interactive Entertainment лотереянын уюштуруучулары же демөөрчүлөрү болуп саналбайт. Баалуу кагаздарга инвестиция салуу тобокелдик менен байланышкан: акциялардын баасы өсүшү да, төмөндөшү да мүмкүн, өткөндөгү кирешелүүлүк келечектеги кирешелүүлүккө кепилдик бербейт.